Është publikuar sot kalendari i sezonit 2023/2024 në Serie A. Asimetrik si vjet. Edicioni i ri i kampionatit italian fillon në fundjavën 18-20 gusht, ndërkohë që java e fundit do të zhvillohet majin e ardhshëm (26).
Napoli kampion e nis në transfertë kundër Frosinones së rikthyer në elitën e futbollit italian. Java e parë prodhon edhe duele si Inter-Monza, Bologna-Milan apo Udinese-Juventus.
Derbi i zjarrtë i Milanos vjen shumë shpejt, në javën e katërt (17 shtator). Sezoni i ri nuk do të ketë pushim në periudhën e fundvitit, diçka që nuk ndodhte prej 50 vitesh në Serie A.
Ndërkohë që do të luhet në mesjavë në vetëm një rast (27 shtator). Ndërkohë që katër janë datat pushim për shkak të dueleve të kombëtares italiane (10 shtator, 15 tetor, 19 nëntor, 24 mars).
Discussion about this post