Adhurim Kushi është personi që posedon me dokumentacion skafin që drejtonte dje Arjan Tase, i cili përplasi për vdekje vogëlushen 7-vjeçare. Mësohet se Kushi është 42 vjeç, banues në Elbasan.
Si ndodhi ngjarja e rëndë?
Tragjedia në Himarë ndodhi një ditë më parë (2 gusht), teksa 7-vjeçarja po lahej në breg, ku skafi e goditi rëndë duke i marrë jetën në vend. Drejtuesi i skafit, Arjan Tase është shoqëruar në polici ndërsa edhe është përjashtuar nga radhët e policisë.
Në dëshminë e tij, Tase ka thënë se skafi nuk ishte e tij, por ia ka marrë kushëririt të tij për përdorim dhe ka shtuar se skafi kishte defekt, e për pasojë ka marrë gaz menjëherë dhe ka bërë një rrotullim në vend dhe ka goditur vajzën 7-vjeçare për vdekje.
Ndërkohë, Tase nuk kishte patentë skafi. Ai ka qenë Shefi i Komisariatit të Himarës, por u arrestua pas një operacioni antidrogë, megjithatë, u rikthye sërish në radhët e policisë. Për ngjarjen e rëndë u shkarkua i gjithë zinxhiri drejtues i Policisë së Kufirit dhe Migracionit Vlorë nga detyra.
Discussion about this post