Ja kur do të nisë “Big Brother Albania VIP 3”

Reality show më i famshëm në Shqipëri, Big Brother Albania, pritet të rikthehet shumë shpejt në ekranin e Top Channel, me edicionin e tretë VIP.

Pas suksesit të madh të edicionit të dytë, ku fitues u shpall këngëtari tepër i dashur për publikun, Luiz Ejlli, duket se Big Brother i ri do të nisë në vitin 2024.

Këtë e ka bërë të ditur vetë faqja e Big Brother Albania përmes një postimi në rrjetin social Instagram.

Në foton e publikuar prej tyre shfaqet një mori kamerash, duke nënkuptuar shtëpinë e monitoruar, dhe shifrat 2024.

Mesa duket, Big Brother Albania VIP 3 do të nisë shumë shpejt me ardhjen e vitit të ri, teksa përflitet se data e nisjes është 13 Janari.

Në emisionin “Shqipëria Live” me Erjona Rusin dhe Arjon Muça është folur edhe për persosnazhet të cilët përfliten se do të jenë pjesë e këtij edicioni si banorë.

Gazetarët janë shprehur se nga Shqipëria përfliten më shumë: Romeo Veshaj, Roza Lati, Olsi Bylyku dhe personazhe nga emisioni “E Diell” ndërsa nga Kosova përfliten: Vesa Smolica, Meriton Mjekiqi edhe pse ky i fundit nuk e ka mohuar as pohuar këtë fakt.