Partia Demokratike dhe Partia e Lirisë do të nënshkruajnë nesër marrëveshjen e bashkëpunimit për zgjedhjet e 14 majit. Mësohet se ditën e nesërme do të përcaktohet edhe data e protestës së ardhshme kombëtare.
Gjatë mëngjesit të sotëm, kryetari i Partisë së Lirisë, Ilir Meta dhe ai i Partisë Demokratike, Sali Berisha qëndruan për më shumë se 30 minuta në zyrën e këtij të fundit për të diskutuar lidhur me daljen me një kandidat në zgjedhjet e ardhshme lokale.
Meta tha në një komunikim me gazetarët në përfundim të takimit se marrëveshja me Berishën është mbyllur. Ai tha se në ato zona ku PL-ja vlerëson se do të ketë kandidatë potencialë, do t’i fusë në primaret që po organizon Partia Demokratike.
Gjithashtu, Meta deklaroi se i ka propozuar Berishën emrin e një politikani për kreun e Këshillit Bashkiak të Tiranës, emër i cili sipas tij është pritur mirë nga Berisha.
Discussion about this post