Zgjedhjet e ardhshme vendore do të zhvillohen më 14 maj 2023. Ndërkohë, në një komunikim “live”, kreu i KQZ Ilirjan Celibashi ka bërë me dije koston totale të këtij procesi.
Sipas tij, shifra totale shkon në 5.3 miliardë lekë. Ai tha se 3 miliardë lekë është kostoja e projektit të votimit elektronik në gjashtë bashki të vendit.
Celibashi shtoi se data 6 mars është afati i fundit i partive politike të regjistrohen në zgjedhje.
Ndërsa fushata elektorale, nis më 14 prill, më 8 maj përfundon publikimi i sondazheve, më 13 maj fillon heshtja zgjedhore.
“107 etapa për procesin. Në 6 mars 2023 mbaron afati për paraqitjen e kërkesave.
14 prill fillon fushata zgjedhore, më 8 maj përfundon publikimi i sondazheve, më 13 maj fillon heshtja zgjedhore. Me 2 maj është afati i fundit për akreditim vendas, përfshirë këtu dhe median. Më 23 nëntor është data për shpalljen e listës së zgjedhësve, në 9 prill 2023 shpallet lista përfundimtare e zgjedhësve.
210 mln lekë për pagat e komisionerëve. 3 mln është kosto e projektit të votimit elektronik. 5.3 mld lekë është kosto e zgjedhjeve”, deklaroi Celibashi gjatë fjalës së tij.
Discussion about this post