Ja kur nis shpërndarja e shtesës për pagat e administratës për muajt prill-maj

Ministrja e Financave, Delina Ibrahimaj, bëri të ditur se javën e ardhshme nis shpërndarja e shtesës së pagave.

Ibrahimaj tha se të gjitha institucionet do të paguajnë shtesat e pagës për punonjësit për muajin prill dhe maj.

Ajo theksoi se muajin e ardhshëm, punonjësit që kanë përfituar nga rritja e pagës do ta marrin atë të plotë.

“Kemi diskutuar për çështjen e zbardhjes së VKM për pagat dhe udhëzimit. Janë gati dhe nga java  e ardhshme të gjitha institucionet do vazhdojnë të paguajnë shtesat për pagat sa i përket muajit maj dhe prill. Do jepet shtesa mbi pagë për muajin prill dhe maj, ndërkohë që nga muaji i ardhshëm do paguhen pagat e plota të reja siç janë të pasqyruara në VKM”, tha Ibrahimaj.