Sot është mbajtur takimi i Këshillit Kombëtar në Partinë Demokratike. Pas mbledhjes, kryetari i këtij këshilli, Edi Paloka ka zbuluar dhe vendimet e marra për votimet e kandidatëve në primare. Ai deklaroi se nuk do të votojnë vetëm anëtarët e PD por dhe simpatizantët e kësaj force politike. Paloka u shpreh se detyra e kryetarëve të degëve do të ushtrohet nga nënkryetarët, deri në daljen e rezultateve të votimeve, derisa të vendoset nëse do të jenë zyrtarisht kandidatë apo jo.
Ndërkohë një nga çështjet që ka shkaktuar debat në Këshill ka qenë pikërisht mbajtja e protestave, ku anëtari Aleksandër Biberaj ka bërë kërkesë për një axhendë dhe datë të qartë në lidhje me aksionin politik të PD.
Ende nuk ka një datë fikse se kur do të nisin tubimet, por mësohet se PD do të mbështesë fuqishëm protestën e pedagogëve më 5 tetor.
“Kemi qenë dëshmitarë që Berisha gjatë të gjitha kohës ka thënë që përgjigja e opozitës ndaj Ramës do të jenë protestat e fuqishme.
Ndërkohë kohët e fundit që nga një fjalim në Kuvend në seancën e fundit, ka deklaruar se aksioni i opozitës do të shtrihet edhe me sindikatat e grevat.
Nuk kemi një datë për protestat e anatemuar se do të ndodhte në shtator.
Në përgjigje të Biberaj Berisha tha se protestat janë e vetmja formë nga e cila PD nuk heq dorë por se do të ndodhin pas primareve.
Më 5 tetor kur do të zhvillohet protesta e PD ka deklaruar se do të jetë në mbështetje të fuqishme të protestës”, ka raportuar gazetari Osman Stafa.
Discussion about this post