Mato Gllucaj, 23 vjeç, u arrestua nga policia, pasi dyshohet se vrau babain e tij, duke i vendosur eksploziv.
I riu u arrestua nga policia e Vlorës pothuajse 24 orë pasi Durmish Gllucaj humbi jetën si pasojë e një shpërthimi, ngjarje e ndodhur në Selenicë.
Mato Glluçaj, sipas hetimeve, kishte vendosur lëndë eksplosive në oborrin e shtëpisë pranë sobës dhe në momentin kur i ati është afruar e ka shpërthyer përmes një mekanizmi elektrik.
Sipas policisë 23-vjeçari dhunohej vazhdimisht prej kryefamiljarit. Nga raportimet mësohet se viktima ishte i verbër.
Policia ka sekuestruar edhe pajisjet me të cilat ka vendosur lëndën plasëse.
Në cilësinë e provës materiale janë sekuestruar:
– mekanizmi elektrik me të cilin është realizuar shpërthimi
– 25 granata dore difensive
– 37 kallëpe me lëndë plasëse tritol (me peshë 400 gr. secila)
– 43 kapsolla detonatore
– 5 ndezësa granatash
– 1 armë zjari pushkë
– 1 celular
– 2 thika
– 310 fishekë luftarakë
– 12 krehra për armë zjarri,
– 2 radio marrëse-dhënëse
– kapuça dhe veshje për mbulimin e fytyrës dhe mjete për punime elektrike me ngjitje
Discussion about this post