Lulëzim Çepele, banues në Tiranë, i dënuar për veprën penale “Shfrytëzimi i prostitucionit” ëshë personi që preu damarët një ditë më parë në burgun “313”, në mënyrë që të tërhiqte vëmendjen dhe Arbër Çekaj e Fatmir Pjetri të mund të arratiseshin.
Mësohet se Çepele ka qenë edhe subjekt i OFL-së. Në muajin nëntor të vitit të kaluar, Operacioni Forca e Ligjit trokiti në derën e Çepeles për të marrë me shkrim justifikimin e pasurisë së ngritur prej tij.
Ndërsa një ditë më parë, Çepele u sakrifikua për shokët. Ai preu damarët që duke tërhequr kështu vëmendjen e forcave të sigurisë.
Ky moment është shfrytëzuar nga Çekaj dhe Pjetri, të cilët kanë qenë në ambientet e ajrosjes dhe janë hedhur duke përdorur litarin e rijuar nga vetë ata. Por gjithçka dështoi kur zbritën në katin e parë dhe u pikasën nga një prej gardianëve. Tashmë janë izoluar për 90 ditë.
