Ka shkuar në 8 numri i të shoqëruarve për vrasjen e biznesmenit Edmond Hyka alias Mondi Mëhalla në Elbasan. Së fundmi, Naldo Gjini me origjinë nga Lezha, është shoqëruar në komisariat nga blutë, pasi gjatë ditëve të fundit është parë të qarkullonte me makinën e përdorur nga autorët në ekzekutimin e biznesmenit 43-vjeçar.
Policia e Lezhës po ushtron kontrolle në banesën e Naldi Gjinit.
Sipas informacioneve, i shoqëruari me orgjinë dhe banim në Lezhë është parë duke qarkulluar në Rrugën e Kombit, duke bërë pagesë te trau.
Mësohet se automjeti i përdorur nga autorët për të kryer atentatin ishte në pronësi të subjektit të viktimës, që jepte makina më qira.
Është ende e paqartë si ka arritur ajo makinë në duart e autorëve, e kanë vjedhur, apo mund të ketë qenë një person i trete që mund ta ketë marrë me qira mjetin.
Pista tjeter lidhet e të kaluarën e të ndjerit që në 2024 u kontrollua edhe banesa për narkotikë. Është kryer një kontroll ku u gjet një armë dhe dokumente false dhe u ngrit akuza për të ndjerin për armë-mbajtje pa leje. Nëna pretendonte se i biri nuk kishte dijeni për armën dhe nga kjo çështja u pushua.
gijotina.com/
Discussion about this post