Nata e parë e Festivalit të Këngës në RTK është përmbyllur me emocione dhe super spektakël. Urban Band ishte grupi i fundit i artistëve që përmbylli natën e parë garuese të Festivalit.
Ata po marrin pjesë në këtë festival me kompozimin muzikor të Klodian Regxhepaj “Ëndrrat s’kanë faj”. Dirigjent i orkestrës ishte Alfred Kaçinari.
Me performancën e Urban Band u përmbyll mbrëmja e parë e Festivalit të Këngës, ku u prezantuan 18 këngët garuese.
Nesër do të riperformojnë artistët nga e para, teksa juria profesionale do të bëjë vlerësimin, duke selektuar 9 nga to për të vazhduar në garë.
Në natën e parë të këtij edicioni performuan artistë si: Klea Dina me “Trenat”, Mentor Mripa “Po ju rrëfehem”, Neki Emra “Heroi im”, Hilmi Obertinca “Pa ty s’më rrihet” Franc Koruni “Shqip” Ermal Demiri “Merr” Auron Deva “Çmimi i dashnisë” Ariela Krasniqi “Emri grua” La Fazani “Oj Kosovë”dhe Albin Nikprelaj me “Ajo”.
Performancë unike dhuroi këngëtarja Dafina Zeqiri e cila është paraqitur me hitin e saj “Veç ti”.
Në natën finale do të shpallet fituesi apo fituesja e edicionit të parë. Shpërblimi për çmimin e parë do të jetë trofeu i punuar nga Arbenitë Shala e Zana Ramadani, e cila ka simbolikën e Kosovës që shkëlqen.
Gjithashtu fituesit/fitueses do t’i jepet një dhuratë e rëndësishme, që është një medaljon me shqiponjën e flamurit shqiptar që ka 500 diamante.
Discussion about this post