Këngëtari i njohur, Valon Shehu, është komentuar shumë së fundmi për shkak të pjesëmarrjes së tij në “Big Brother VIP”. Edhe pse rrugëtimi i tij ishte i shkurtër brenda shtëpisë më të famshme në Shqipëri, ai arriti që t’i bënte të gjithë të flisnin për të.
Valoni ka dhënë së fundmi një intervistë për “Prive”, ku ka ndarë disa detaje nga jeta e tij private, me të cilat i ka habitur fansat. Këngëtari i njohur ka rrëfyer se nuk është tradhtuar ndonjëherë, teksa pohoi që ka tradhtuar disa herë partneret e tij gjatë një lidhje.
Ndërkohë, një nga gjërat që ka tërhequr më shumë vëmendje ka qenë edhe deklarata e tij që do të martohet “së shpejti”, edhe pse ai ende nuk ka ndarë me publikun nëse ka ndonjë person zemre.
Lidhur me “Big Brother VIP”, Valoni u shpreh se beson që Iliri e meriton fitoren, ndërkohë që, i pyetur për banoren më seksi sipas tij, ai ka thënë emrin e Beniadës.
Discussion about this post