Zëvendës ministrja e Shëndetësisë, Eugena Tomini, ka thënë se pas mjekëve, arsimtarëve dhe studentëve edhe punonjës të administratës, policët, farmacistë e laburantë do të bëjnë vaksinë me detyrim.
Ajo më tej thotë se vihet re një trend në rritje për t’u vaksinuar nga grupi i parë, i cili duhet ta ketë kryer deri në fund të muajit shtator. Por, vaksinimi i detyruar ka hasur kontestime dhe refuzime edhe në Shqipëri, pasi e konsiderojnë shkelje të së drejtës së njeriut. Ndërkohë që, ka ekspertë që mendojnë se për sa kohë nuk ndalon infektimin, vaksina nuk mund të jetë e detyrueshme.
Tomini gjithashtu ka bërë thirrje për vaksinim në mënyre që të kemi mbulese të lartë vaksnale dhe të mos lejojmë qarkullimin e mutacioneve.
