Deputeti i PD, Klevis Balliu, në një deklaratë në News 24 ka zbuluar mesazhin që u ka dhënë Sali Berisha para protestës së të hënës. Ai shton se Berisha është njeriu i shesheve.
“Sali Berisha gjithmonë ka atë mesazh: përballjen, takimin me qytetarët dhe përfaqësimin e interesave qoftë në parlament apo në beteja. Berisha është njeriu i shesheve”, tha Balliu.
“Do të jetë një protestë që nis me një mesazh për qëndresë qytetarë përballë Ramës, personin që ka përgjegjësinë. Nuk është një protestë kombëtare, përgjithësisht do të jetë strukturat e PD. Është fillimi i një aksioni që do të kulmojë me një protestë kombëtare.”, tha ai.
“Regjimet nuk rrëzohet me të lutëm ik! Unë e besoj kur them që kemi përballë një regjimi nuk e them për propagandë qytetarëve. Por është një e vërtetë e pamohueshme që jemi në një regjim.
Ç’është më e keqja është një regjim mafioz i lidhur me bandat, droga është një pushtet i jashtëzakonshme. Kulla dhe gjithçka që shikon janë pastrim parash. Edhe unë dhe shumë kolegë të mi jemi për një qasje më ballore’, deklaroi Balliu.
Discussion about this post