Një nga më të mirët në botë në sportin e tenisit, Novak Djokovic, detyrohet të paguajë çmimin pas asaj që bëri ditën e djelë në finalen e Wimbledon teksa u mposht nga 20 vjeçari spanjoll, Carlos Alcaraz.
Tenisti serb, pasi humbi lojën e tretë në setin e pestë, shfryn nervat te raketa e tij duke e përplasur fortë pas shtyllës së rrjetës e duke e bërë copash.
Për këtë veprim, ai u gjobit me tetë mijë dollarë, gjoba më e madhe individuale e vendosur në vitin 2023.
Kjo shumë e gjobës është tepër modeste për Djokovic, pasi vetëm si vendi i dytë në turne ai fitoi 1.4 milionë dollarë dhe sipas “New York Post”, pasuria neto e serbit vlerësohet në 240 milionë dollarë.
Discussion about this post