Fundjava pritet të rikthejë reshjet e shiut. Sipas të dhënave të Sherbimit Meteorologjik Ushtark, dita e shtunë do të ketë një mot relativisht të qëndrueshem, ku në disa harqe kohore, do të ketë dhe alternime vranësirash.
E teksa do të ketë dhe reshje shiu, me intensitet të ulët në veri dhe qendër të vendit në formë shtrëngatash afatshkurtra. Era do të jetë juglindje-jugperëndim me shpejtësi 1-8m/s, përgjatë bregdetit 10-13m/s shoqëruar me valëzim të forcës 2-3 ballë.
Dita e dielë, pritet të jetë më e qetë sa i takon reshjeve të shiut, por nuk do të mundojnë vranësirat në disa zona. Ndërkohë fenomeni i mjegullës, që kohët e fundit është bërë akoma dhe më shumë prezent, nuk do të mungojë as këtë fundjave, ku do të mbizotërojë në zonat luginore gjatë orëve të mëngjesit. Era do të jetë me drejtim 1-7m/s, ndërsa përgjatë vijës bregdetare hera-herës arrin deri 12m/s. Valëzimi në dete do të jetë i forcës 1-3ballë.
Discussion about this post