Ivan Provedel ka shënuar një gol shumë të bukur me kokë në sekondën e fundit në sfidën Lazio – Atletico Madrid (1:1).
Secili futbollistë ka ëndërr të luaj në Ligën e Kampionëve dhe të shënoj gol, derisa Provedel e bëri këtë gjë në ndeshjen e tij të parë në ‘Champions’.
Por para italianit vetëm tre portierë e kishin arritur këtë sukses, duke shënuar në Ligën e Kampionëve.
I pari ishte portieri gjerman Hans-Jorg Butt, që kishte realizuar në vitin 2000 në sfidën mes Hamburgut dhe Juventusit që përfundoi 3-3.
Në fakt portieri gjerman ka shënuar tre gola me tre skuadra të ndryshme gjermane, por që të treja ndaj Juventusit.
Në vitin 2009 gol kishte shënuar dhe portieri turk Sinan Bolat me fanellën e Standard Liege në barazimin 1-1 ndaj AZ Alkmaar.
E një vit më vonë gol shënoi edhe portieri nigerian Vincent Enyeama sa ishte pjesë e Hapoel Tel-Aviv në humbjen 1-3 nga Lyoni.
Discussion about this post