Drejtori i Institutit të Studimeve Politike, Afrim Krasniqi, e konsideron dekretin për emërimin e Ervin Metes si ministër të Financave, si në kundërshtim me ligjin.
Krasniqi shkruan në një postim se dekreti për emërim është bërë 48 orë përpara se të miratohej shkarkimi i tij nga Parlamenti nga çdo funksion tjetër.
Sot Kuvendi në seancë plenare votoi shkarkimin e Ervin Mete si drejtor të Autoritetit të Mbikëqyrjes Financiare.
Krasniqi shkruan se posti i ministrit është i papajtueshëm me funksione të tjera përveçse atë të deputetit.
Reagimi i Krasniqit:
Paradoks kushtetues? Kuvendi shkarkoi sot (11/9) Ervin Mete nga Kryetar i Bordit të Autoritetit të Mbikëqyrjes Financiare si dhe nga funksioni i Drejtorit të Përgjithshëm Ekzekutiv, ndërkohë Kryeministri e ka propozuar pesë ditë më parë si minister tek Presidenti dhe ky i fundit e ka emëruar me dekret minister me 9/9, pra dy ditë më parë!
Posti i ministrit është e papajtueshme me funksione të tjera përveçse deputet, por Mete u emërua minister 48 orë përpara se të miratohej shkarkimi nga parlamenti nga funksioni tjetër!
Discussion about this post