Gazetari Flamur Vezaj ka zbuluar një detaj, teksa ka folur në studion e Euronews Albania, edhe mbi presionin që SPAK ushtroi pak kohë më parë ndaj gazetarit Elton Qyno.
Vezaj e cilësoi të paprecedentë dhe të papranueshëm që të ushtrosh një presion të tillë.
“Por si mund t’i sekuestrosh telefonat një gazetari pa një procesverbal. Nuk mund të trajtosh një gazetar si krimnel se nuk të jep burimin e informacionit”, tha ai.
Gjithashtu ai solli zbuloi dhe një bisedë të kryer mes gazetarit Qyno dhe kreut të SPAK Altin Dumani.
Vezaj tha se personalisht Dumani i ka kërkuar dosjen e bandave të Elbasanit Qynos, të cilin prokuorri lokal Kreshnik Ajazi nuk ia vendoste në dispozicion.
“Në vitin 2022 Elton Qyno ka firmosur një dokument, por mos të harrojmë ka firmosur për historinë e çështjeve të dëshmisë, nisur nga prokurori Kreshnik Ajazi në Elbasan. Rasti i fundit është diçka ndryshe. Pasi Altin Dumani në kohën kur Kreshnik Ajazi nuk i dorëzonte dosjen SPAK-ut, të bandave të Elbasanit, ka qenë vetë Altin Dumani që i ka kërkuar informacion Elton Qynos se çfarë po bëhej me dosjen, pasi Kreshnik Ajazi nuk bashkëpunonte me SPAK-un për t’i dhënë dokumentacionin.
Rastin e fundit në bazë të informacioneve që kam bëhej fjalë për rastin e Tafanit, pasi dhe institucionet kanë përplasje brenda tyre.
Ka qenë vetë Dumani që i ka kërkuar informacion Elton Qynos se çfarë informacione ka siguruar nga dosja e Elbasanit që ata nuk i kishin”, tha gazetari.
Discussion about this post