Mbështetësit e ish-Kryeministrit sali Berisha janë mbledhur sërisht sot në rrugën Mustafa Matohiti, atje ku ndodhet apartamenti i kreut demokrat, që prej 30 dhjetorit ndodhet në “arrest shtëpie” pas vendimit të GJKKO-së.
Si çdo pasdite ata janë mbledhur në të njëjtin vend, në pritje të fjalës së ish-Kryeministrit dhe mesazheve që ai përcjell jo vetëm për mbështetësit dhe demokratët, por për qytetarët në tërësi.
Pas dy javësh protesta, mbështetësit e kreut demokrat sot kanë vendosur që rrugën “Mustafa Matohiti” apo siç njihet ndryshe “rruga e Salës” ta “pagëzojnë” me emrin “Rruga e Shpresës”.
Pikërisht mbi tabelën ku shkruhej “Mustafa Matohiti” ato kanë ngjitur një letër të printuar me emërtesën “Rruga e Shpresës”. Ky emërtim në fakt u vendos nga ish-Kryeministri në momentin kur poshtë apartamentit të tij nisën të mblidheshin mbështetësit që vijojnë çdo pasdite të jenë prezent në mbështetje të kreut demokrat që po përballet me një hetim nga SPAk lidhur me procedurat e privatizimit të ish-kompleksit Partizani.
Discussion about this post