Sipas MeteoAlb deri në orët e mesditës vendi ynë do të jetë me alternime kthjellimesh dhe vranësirash të pakta, të cilat më të fokusuara do të jenë në zonat malore. Por orët vijuese i bëjnë më të dukshme vranësirat në territor, ku në zonat e thella malore do të krijohen mundësi të pakta për reshje të izoluara.
Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 17°C deri në 40°C.
Era do të fryjë e lehtë dhe mesatare me shpejtësi 40 km/h nga drejtimi veriperëndimor duke krijuar në det dallgëzim 3 – 4 ballë.
Kosova
Pjesa e parë e ditës paraqitet në mbizotërimin e kthjellimeve dhe vranësirave të lehta. Ndërsa në pjesën e dytë të ditës vranësirat do të shtohen duke krijuar mundësi për reshje të izoluara dhe të pakta në Republikën e Kosovës.
Maqedonia e Veriut
Mbetet në orët e para të ditës MV me alternime kthjellimesh dhe vranësirash të pakta, të cilat do të shtohen gjatë mesditës duke krijuar mundësi për reshje të karakterit lokal. Orët e mbrëmjes përmirësojnë kushtet e motit.
Rajoni dhe Europa
Pjesërisht Rajoni i Ballkanit dhe Europa Qendrore do të jenë me vranësira
kalimtare të cilat do të krijojnë herë pas here mundësi për rrebeshe shiu. Gjithashtu me vranësira të shumta dhe reshje shiu mbetet veriu i kontinentit.
Ndërsa Europa Lindore dhe jugperëndimore vijojnë të jenë në kushte të qëndrueshme atmosferike
