Ditën e djeshme, ish-kryeparlamentari i Kosovës, Jakup Krasniqit, ka festuar ditëlindjen e 71 në qeli. Vajza e tij, Gresa i ka dedikuar një postim prekës të atit në një ditë të veçantë për të. Gresa, përmes një postimi në Instagram ka uruar babin për ditëlindje teksa i uron atij që të kalojë këtë padrejtësi.
“Babi im i dashur, dashnia ime e përjetshme. Edhe një ditëlindje larg nesh, ndoshta ti u mësove tash, më shumë ditëlindje festove larg familjes se sa pranë, por ne s’po mësohemi dot. Çdo 1 Janar festojmë vitin e ri dhe lindjen tënde, lindjen e një njeriu të mrekullueshëm që neve na dhuroi jetë e Kosovës LIRI.
Në këtë 71 vjetor të lindjes tënde s’kam si të mos kujtoj çdo gjë të bukur që ti na fale gjithë këto vite dhe të falënderoj për gjithë ato përqafime, fjalë të mira e dashuri që na dhuroje çdo ditë aq butësisht siç vetëm ti dije. Urime ditëlindjen dhe Gëzuar Vitin e Ri. Uroj të kesh shëndet dhe forcë të tejkalosh këtë të fundit padrejtësi” – shkruan vajza e Krasniqit.
Jakup Krasniqi, Hashim Thaçi, Kadri Veseli e Rexhep Selimi qëndrojnë në paraburgimin e Hagës që prej 5 nëntorit 2020 dhe akuzohen se si drejtues të UÇK-së kishin kryer krime lufte dhe krime kundër njerëzimit gjatë luftës në Kosovë.
Discussion about this post