Çifti i showbizzit, Donald Veshaj dhe Bora Zemani, janë duke punuar për filmin më të ri që pritet të vijë në fund të këtij viti.
“5 herë jo” është një komedi romantike, e cila flet për historinë e çiftit dhe kurioziteti për kastin dhe personazhet që do të luajnë sa vjen dhe shtohet.
Megjithatë, ditën e shtunë, Donaldi vendosi të publikojë emrin e një prej aktorëve që do të jetë pjesë e produksionit të filmit. Bëhet fjalë për këngëtarin Alban Skënderaj, të cilin mesa duket do e shohim në një fushë tërësisht ndryshe.
Ka qenë vetë Donaldi ai që ka njoftuar pjesëmarrjen e këngëtarit në projektin shumë të rëndësishëm për të dhe Borën, duke shprehur konsiderata për të.
“Kam qenë gjithmonë fans i muzikës së tij dhe i njeriut që është. Jam i lumtur që Albani do të jetë pjesë e “5herë jo”. Me miq të mirë nuk dalin kurrë vepra të këqija,”- shkruan Donaldi në faqen zyrtare të filmit në Instagram.
Discussion about this post