Presidenti i Ukrainës Volodymyr Zelensky ka sfiduar homologun rus Vladimir Putin në një ndeshje boksi. Ai është shprehur se është gjithmonë gati për një gjë të tillë. “Gjithmonë gati. Nesër, nuk do të më interesonte. Atëherë do të ishte samiti i fundit për presidentin e Federatës Ruse”, tha Zelensky duke qeshur për kanalin televiziv francez TF1.
Pyetja erdhi pasi gazeta Le Monde raportoi se presidenti francez Emmanuel Macron i kishte thënë Putinit se do të stërvitej me boks, shkruajnë mediat e huaja.
“Një burrë i vërtetë, nëse dëshiron t’i thotë diçka dikujt, ose nëse dëshiron – si t’i thotë, godet me grusht në fytyrë – ai e bën vetë dhe nuk dërgon asnjë ndërmjetës”, tha Putin.
Lufta në Ukrainë vijon. Rusia është përqëndruar në goditjen e infrastrukturës energjetike të vendit, duke lënë mijëra ukrainas në terr. Situata bëhet më e vështirë tani teksa ndodhemi edhe në mes të sezonit dimëror. Ukrainasit do të përballen me mungesën e ujit të pijshëm dhe urisë.
Discussion about this post