“Jam i sëmurë”, Kep Arapi kërkon zbutjen e masës së sigurisë

Rexhep Rapi i njohur si Kep Arapi kërkon zbutjen e masës se sigurisë për arsye shëndetësore. Gjykata e posaçme vendosi të caktojë grup ekspertesh nga IML për të përcaktuar gjendjen shëndetësore.

Gjykata e Posaçme pranoi këtë të hënë kërkesën e avokatëve të Rexhep Rapit njohur si Kep Arapi për të caktuat ekspert që të kryejnë ekspertizën mjekësore të tij.

Arapi pretendon se ka probleme shëndetësore që mund t’i rrezikojnë jetën në qeli.

Rexhep Rapi, nipi i tij Algert Rapi, Devi Gjermëni dhe ish-shefi i Krimeve Dedan Gjoni dyshohet se në bashkëpunim me njëri-tjetrin kishin siguruar kushtet dhe mjete materiale për të kryer vrasjen e Xhevdet Plakut njohur si “Akili”.