Anglia u mposht në finalen e Europianit, me “Tre Luanët” që duhet të presin të paktën dhe dy vite të tjera për të fituar një turne madhor, me të parin dhe të fundit që daton në 1966-ën.
Trajneri i “Tre Luanëve”, Gareth Southgate u shpreh tepër i trishtuar për këtë takim, duke falënderuar lojtarët për atë që kanë dhënë dhe duke përgëzuar gjithashtu Spanjën.
“Unë mendoj se Spanja ishte skuadra më e mirë në turne. Ne nuk e mbajtëm topin mjaft mirë, por ishim të drejtë në të deri në 10 minutat e fundit. Jam i shkatërruar. Për të gjithë, lojtarët kanë qenë absolutisht të jashtëzakonshëm, unë jam shumë krenar për atë që ata kanë bërë.
Mendoj se lojtarët duhet të marrin një meritë të madhe që arritën në këtë pikë. Në mënyrën se si ata kanë luftuar dhe e kanë përfaqësuar fanellën me krenari. Ata kurrë nuk u dorëzuan deri sa në fund, pesë minutat e fundit të lojës së fundit, karakteri dhe qëndrueshmëria që ata kanë treguar,
Nuk mund të kishte përmbysje tjetër? Është e lehtë ta thuash dhe është padyshim një disavanatzh kur ke një ditë më pak për t’u përgatitur. Por ne ishim ende në ndeshje kur luhej minuta e 80. Do të duhet pak kohë për ta harruar këtë të them të drejtën.
Zëvendësimi i Kane? Fizikisht ka qenë situatë e vështirë për të. Ai erdhi në turne jo me shumë ndeshje dhe jo në nivelin që ne kishim shpresuar. Ndeshjet janë shumë kërkuese dhe menduam se freskia e Ollit do të na mundësonte të bënim presing më mirë. Mendoj se zëvendësesit hynë dhe bënë atë që i kërkuam”, tha Southgate pas humbjes.
Discussion about this post