Një nga temat më të diskutuara së fundmi në rradhët e opinionit publik dhe jo vetëm, janë dhe ndërtimet pa leje. Në lidhje me ketë fenomen ka folur dhe inxhinieri i ndërtimit Arben Meçe. Ai u shpreh në studion e MCN Live, se edhe pse e njeh shumë mirë ligjin, vetë është prej 4 muajsh në ndjekje penale. Kjo sipas tij, për shkak të prishjes së një muri të brendshëm garazhi.
Meçe shprehet se duhet bërë kallëzim penal për personat përgjegjës, sepse ka patur dhe një denoncim dhe prokuroria ka mbyllur çështjen.
“Është një fenomen gjithpërfshirës. Sot unë jam në ndjekje penale për prishjen e një muri në garazh. Por unë e di mirë si funksionon IKMT dhe IVMT, por them se ky është rasti më flagrant. Kur një polic goditi një engjëll në Himarë gjithë zinxhiri u shkarkua, këtë s’po e shohim këtu. Normal dhe ata bashkë me shkelësit janë përgjegjës me ligjin në atë punë. Unë kam prishur një mur në garazh dhe më ka ardhur nja 10 herë IKMT, policia e shtetit dhe prej 4 muajsh jam në ndjekje penale. Janë instrumentet të lidhur ngushtë me njeri tjetrin që nga fillon kryetari i bashkisë dhe sapo të marrë vesh që janë ndërtuar këto gjëra ai duhet ti shkarkonte”.
Sa i përket pjesës së sigurisë, Meçe tha se fakti kryesor i bërë në tërmetin e 2019, të gjitha ndërtimet të cilët ishin shtesa katesh mbi ndërtimet pa leje tërmeti i shkatërroi.
“Kjo do të thotë është një nga faktorët kryesore që rriskon këta objekte. Të gjitha objektet që sot kanë shtesa katesh dhe pse të legalizuar shteti duhet ti kthehet për kontroll teknik. Por këta falë lidhjes me politikën arrijnë të dertojnë 8 kate shtesë. Urgjentisht këto objekte të cilat janë shtesë duhet të rikthen në procedurë për të rimarrë kontrollin e sigurisë. Nëse jo shteti duhet ta kërkojnë qytetarët. Qytetar mbroni veten tuaj mos prisni nga shteti. Prokuroria jo gjithmonë vepron por ky është rasti, që ajo është e implikuar dhe kjo duhet hetuar”.
Discussion about this post