Dhuna që ushtroi kujdestarja Aurona Pelaj ndaj së moshuarës Minire Nura në një azil privat të Pejës, ka sjellë shumë reagime në rradhët e opinionit publik. Ndërkohë një prej infermiereve që ka punuar dikur në këtë qendër, ka folur pas publikimit të pamjeve rrëqethëse, duke thënë se të moshuarit aty i kanë ndryshuar jetën për mirë.
Ajo shpreh keqardhjen e saj për dhunën e ushtruar ndaj së moshuarës dhe kërkoi që infermierja që e dhunoi të dënohet, ndërkohë që theksoi se kur ajo punonte në qendër i shihte të moshuarit si të barabartë me veten.
“Shumë i kam dasht e i du këta pleq. Ma kanë ndryshu jetën për tmirë 100%. Po më dhemb zemra se si po ofendohen komplet stafi për besë betohna në familje tem se shumë mirë kujdesen por kjo vajza le të denohet, le ta mer dënimin e meritum. Po ndihna keq çka ka ndodh me Nanën Minire po të lutna mos shperndani kaq shumë urrejtje me e perfshi komplet Orenden se ka pjesëtarë në staf që qajnë dhe qeshin baraz me banorët aty, une kam qenë njëra nder ta. Për besë turp po më vjen çka ka ndodh, jam prek shumë në shpirt, personave të tillë nuk duhet të ju lejohet as liçenca e infermieres le më të punojnë në një vend ku kanë të bëjnë me persona te ndishëm të moshës së 3. Kurrë ska ndodh fjalën me jau kthy se e kemi nje zot mbi kry le më me pas dhunë. Kjo jam une dhe kjo është Nena Minire per të cilën kam. Respekt duke u bazu nga e kalumja e saj të hekat e saj dhe pozitiviteti saj”, shprehet ajo.
Discussion about this post