‘Jam punonjës i SPAK’, 39-vjeçari sherr me policët e Durrësit dhe i kërcënon me armë

Një 39-vjeçar në Durrrës është vendosur në pranga pasi kërcënoi me armë sportive policët e bashkisë pas një konflikti.

Sipas njoftimit të policisë Gentjan Kërçuku iu prezantua efektivëve si punonjës i strukturave ligjzbatuese, konkretisht si punonjës i SPAK.

Burime bëjnë me dije se shkak ka qenë një ndalim kundravajtje i automjetit të 39-vjeçarit. Në momentin që blutë i kanë kërkuar të largohet ka filluar edhe debati mes palëve.

“Specialistët për Hetimin e Krimeve të Komisariatit Durrës arrestuan në flagrancë shtetasin Gentjan Kërçuku, 39 vjeç, banues në Tiranë, pasi gjatë një konflikti për motive të dobëta, ka kanosur me armë sportive pistoletë, punonjësit e Policisë Bashkiake, duke u prezantuar si punonjës i strukturave ligjzbatuese”, informoi sot policia.