Në një intervistë për mediat, gazetarja Anila Hoxha ka denoncuar tregtimin e drogës sintetike në Shqipëri. Hoxha tha se vetëm një javë më parë është kapur një sasi e madhe me ekstazi, rreth 400 kokrra. Sipas gazetares, lënda narkotike u sekuestrua në Dhërmi, por që rasti nuk është bërë publik. Ajo shtoi se nuk dihet ende se nga e ka burimin kjo drogë dhe se kush e sjell në Shqipëri.
“Rezulton edhe një fenomen tjetër, ekstazia. Ka filluar të përdoret shumë, droga sintetike. Rasti më i fundit i zbuluar me gati 400 kokrra ekstazi ishte javën e kaluar në zonën e Dhërmiut, u kapën tre persona nga Kosova që e shpërndanin. Rasti është ende në hetim nuk është bërë publik. Nuk ka pasur ende një rast konkret që të zbulohet nga vjen ekstazia apo kush e sjell atë në Shqipëri”- tha Anila Hoxha.
Discussion about this post