Situata në selinë blu ka bërë që deputetët e PD-së të cilët ndodheshin në ambientet e brendshme të godinës, të kërkojnë ndihmën e Policisë së Shtetit, pasi ndiheshin të rrezikuar nga protestuesit. Ndihmë është kërkuar dhe nga familjarë të deputetëve, konkretisht vajza e deputetit të PD-së, Kasem Mahmutaj, e cila shprehet se babai i saj e ka të pamundur të dalë nga selia, ndërsa kanë nevojë për shërbim mjekësor.
“Babi im, bashkë me kolegë të tjerë deputetë janë bllokuar në një prej kateve të godinës së PD. Janë keq, pasi janë helmuar nga gazi lotsjellës”, shprehet ajo.
Policia e Shtetit ka mbërritur në selinë blu duke shpërndarë me gazlotsjellës protestuesit, të cilët tentuan me forcë të hynin brenda godinës.
Discussion about this post