“Janë rrahur me sende të forta”, policia reagon për plagosjen në Durrës

Policia e Durrësit ka dalë me njoftim zyrtar për sherrin brenda familjes që degradoi në dhunë mes një çifti bashkëshortësh mëngjesin e sotëm.

Sipas bluve, Asije Stafa, 74 vjeçe dhe Ahmet Stafa, 78 vjeç, pas një konflikti për motive të dobëta, kanë goditur njëri-tjetrin me sende dhe objekte të forta. Për pasojë, të dy kanë përfunduar në spital, nën kujdesin e mjekëve.

“Rreth orës 10:40, në lagjen nr.11, Durrës, shtetasit A. S., 78 vjeç dhe A. S., 74 vjeçe (bashkëshortë), pas një konflikti për motive të dobëta, kanë goditur njëri-tjetrin me sende dhe objekte të forta. Për pasojë, të dy këta shtetas ndodhen në spital, nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të ngjarjes”, njofton policia.