Kryetari i Partisë së Lirisë Ilir Meta shprehu mbështetjen e tij të plotë ndaj pedagogëve dhe studentëve. Sipas tij, forca politike që përfaqëson sot në opozitë, po ashtu dhe nesër në pushtet, fokusin kryesor do ta ketë të arsimi dhe cilësia e kësaj fushe.
“Angazhimi kryesor i PL do jetë sot në opozitë dhe nesër ne qeverisjen e vendin, arsimi. Nuk ka investim me strategjik se arsimi për një vend dhe një komb, e sidomos për vendin tonë në këto momente kaq delikate. Janë të gjitha mundësitë për të plotësuar kërkesat e tyre të arsyeshme”, tha Meta.
Ai hodhi kritika për kryeministrin Rama dhe e quajti të papranueshme gjuhën e tij kur tha se pedagogët do t’i nënshtrohen kontrollit të pasurisë.
“Sot merren miliona dhe miliarda euro kredi për vjedhje. Ai i intimidon duke i kërcënuar edhe me vettingun. Ai i dërgon në mënyra të turpshme,, që vetëm një palaço e bën kur përgjon emra, që i kanë shërbyer vendin në detyra kryesore”, shtoi Meta.
Discussion about this post