Tenisti italian Jannik Sinner është fitues i grand slam-it të Australian Open për meshkuj. Në finalen e luajtur në Melburn, ai mundi 3-0 (6-3, 7-6, 6-3) gjermanin Alexander Zverev.
Një ndeshje që vuri përballë dy tenistët më të mirë në botë aktualisht, me Sinner, numrin 1, që mbrojti titullin fituar vjet. Ky është grand slam nr.3 në karrierë për tenistin italian.
Sinner e dominoi ndeshjen, duke patur epërsi gjatë gjithë kohës. Zverev, që ende nuk ka fituar asnjë turne të madh në karrierë, rivalizoi vetëm në setin e dytë, por u detyrua të dorëzohet në “tie break”.
Ndeshja zgjati 2 orë e 40 minuta, me Sinner që tregoi se është jo rastësisht numri 1 në botë. Gjatë këtij turneu ai kaloi problemet shëndetësore dhe në fund niveli i tij ishte më lart se i rivalëve.
Discussion about this post