Për rreth 30 minuta do të nisë ndeshja Japoni- Kosta Rika. Trajnërët ndërkohë kanë prezantuar formacionet për të dyja skuadrat që do të zbresin në fushë. “Samurajit blu” të udhëhequr nga tekniku Hajime Moriyasu do të paraqiten me formacionin 4-2-3-1, me Gonda në portë, Yamane, Itakura, Yoshida dhe Nagatomo në mbrojtje, Endo, Morita, Doan, Kamada, Soma në mesfushë dhe Ueda i vetëm në sulm.
Në krahun tjetër tekniku Luis Suarez ka zgjedhur formacionin 4-4-2, me gardianin Keylor Navas në portë, Oviedo, Calvo, Duarte dhe Ëaston Manley në mbrojtje. Mesfusha me 4 është e përbërë nga Torres, Tejeda, Borges dhe Fuller Spence, ndërsa sulmi i është besuar Contreras dhe Campbell. Në rast fitoreje Japonia do të siguronte menjëherë kalimin në fazën tjetër të Kupës së Botës.
Discussion about this post