Lajmi që qarkullon prej ditësh, tashmë është zyrtar: Tirana ka njoftuar ndërprerë “me konsensus” bashkëpunimin me Erbim Fagun, në përfundim të një sezoni zhgënjyes, i mbyllur jashtë “Final Four”, por me “dhuratën” e marrë nga Egnatia, që mposhti në finalen e Kupës Kukësin (Tirana merr pjesë në Conference League). Bashkë me Fagun mbyll bashkëpunimin me Tiranën edhe Endri Vrapi, që ishte pjesë e stafit.
Njoftimin për ndërprerjen e bashkëpunimit e ka bërë vetë klubi, përmes një postimi në rrjetet sociale:
“Klubi i Futbollit Tirana shpreh mirënjohjen e pamatë për teknikun, mbi kontributin e madh që trajneri Fagu ka dhënë gjatë gjithë rrugëtimit si bardheblu dhe njëkohësisht i uron suksese në vazhdimësi. Faleminderit Erbim për emocionet dhe punën tënde të palodhur! Gjithmonë një vend mes nesh”, thuhet mes të tjerash në njoftim.
Discussion about this post