Sulmi kibernetik që dëmtoi sistemin TIMS, ka shkaktuar vonesa të përpunimit të mjeteve dhe pasagjerëve edhe në Doganën e Bllatës në Peshkopi, në kufirin me Maqedoninë e Veriut. Lidhur me situatën sipas autoriteteve kufitare bëhet me dije se ka pasur ngarkesa të herë pas hershme, por nuk ka pasur radhë të gjata që të presin dhe të krijojnë trafik të rënduar në zonë.
Nga ana tjetër, deri në orën 12:00 të ditës së sotme, regjistrimi i pasagjerëve dhe mjeteve ka vijuar manualisht me dorë me regjistra, por nuk pa pasur radhë të gjata.
Sipas autoriteteve kufitare në Doganën e Bllatës në më pak se 24 orë janë përpunuar rreth 2230 kalimtarë shqiptarë dhe të huaj, në hyrje dhe në dalje, ndërsa janë regjistruar rreth 840 mjete.
Regjistrimi vijon ende me regjistra me dorë.
Discussion about this post