Jasmina dhe Ola kanë qenë një nga dyshet më të diskutuara në “Për’puthen”. Ola u paraqit si armike e Jasminës në fillim të emisionit dhe zbuloi se ato kishin qenë shoqe e nuk flisnin më me njëra-tjetrën.
Gjatë një përballje në “Për’puthen” ato të dyja treguan se marrëdhënia e tyre u ndërpre pas një udhëtimi në Maltë. Gjithashtu vajzat thanë se më parë kanë jetuar bashkë dhe shpesh kanë pasur përplasje për gjëra të ndryshime në lidhje me jetesën dhe miqësia e tyre mori fund 2 vite më parë.
Mirëpo videot dhe fotot e publikuara në media e rrjete sociale tregonin gjithmonë të kundërtën. Ato të dyja u panë shpesh në shoqërinë e njëra-tjetrës, gjë që tregonte se armiqësia mes tyre nuk ishte fare e vërtetë, por është bërë e gjitha për efekt të spektaklit.
Madje në përfundim të “Për’puthen”, kur Ola festoi dhe ditëlindje, Jasmina i bëri një surprizë shumë të veçantë. Ajo i kishte sjellë mikes së saj një tortë të personalizuar dhe festuan me gjithë konkurrentët e tjerë ditëlindjen.
Mirëpo ky ribashkim mes mikeshave duket se nuk ka zgjatur shumë. Më herët, e ftuar në “Top Arena” Ola zbuloi se nuk flet me Jasminën dhe kanë prishur raportet sërish duke mos zbuluar shkakun.
Por duket se gjërat mes gocave janë rregulluar pasi janë shfaqur sërish në shqërinë e njëra-tjetrës. Ishte Jasmina që publikoi një video para pasqyrës së bashku me Olën, ku vajzat dukeshin mjaft të gëzuara së bashku.
