Këtë javë në Seria A do të luhet një prej sfidave që pritet të zgjojë interes maksimal jo vetëm të tifozëve italian, por në të gjithë botën, derbi Inter-Milan.
kjo ndeshje do të zhvillohet më 7 nëntor në orën 20:45 në ‘San Siro’ dhe është e vlefshme për javën e 11 të elitës së futbollit italian.
Në këtë super sfidë Milan vjen në formë shumë të mirë, teksa momentalisht ndodhen në vendin e dytë me pikë të barabarta me Napolin kryesues, me këta të fundit që kanë mbrojtjen më të mirë dhe kanë pësuar vetëm 3 gola.
Pas 11 ndeshjeve në Seria A, ‘Kuqezinjtë’ e Italisë kanë grumbulluar në total 31 pikë , ku ka 10 fitore dhe 1 barazim.
Ndërsa Interi nga ana tjetër duket se po përmendet, pasi ka fituar dy ndeshjet e fundit radhazi. ‘Zikaltërit’ nuk e kanë pasur këtë fillim sezonin e tyre më të mirë dhe kanë grumbulluar 24 pikë me 7 fitore 3 barazime dhe një humbje, duke u renditur në vendin e tretë.
Për trajnerët Inzaghi dhe Pioli kjo është ndeshja më e rëndësishme e luajtur deri më tani për sezonin 2021-2022 të Seria A dhe të dy do përpiqen të hedhin në fushë më të mirët e tyre./K.T/Gijotina.com
