Java e nëntë pëson ndryshime, ja kur do të luhen sfidat

Të premten dhe të shtunën do të luhet java e 9-të e “Abissnet Superiore” e cila njëkohësisht është edhe sfida e fundit e fazës së parë.

Kjo javë ka pasuar disa ndryshime, ekzaktësisht përballjet Vllaznia-Bylis dhe Tirana-Erzeni.

Dueli mes shkodranëve dhe ballshiotëve ishte parashikuar të luhet ditën e premte në orën 15:00, ndërsa tashmë do të luhet në të njëjtën ditë por në orën 17:45. Po në të njëjtën orë do të luhet edhe sfida mes Teutës dhe Partizanit.

Ndërsa ditën e shtunë do të luhen Kastrioti-Laçi, duke nisur që nga ora 15:00 dhe Tirana-Erzeni i cila ishte programuar të luhet në orën 15:00 është spostuar për në orën 17:45.

Edhe përballja mes Kukësit dhe Egnatias që ishte vendosur për t’u luajtur ditën e premte në orën 15:00 është spostuar një ditë më pas në të njëjtën orë.

Të premten:

Teuta-Partizani/ 17:45

Vllaznia-Bylis/ 17:45

Të shtunën:

Kukësi-Egnatia/ 15:00

Kastrioti-Laçi/ 15:00

Tirana-Erzeni/ 17:45