Deputeti demokrat, njëkohësisht anëtar i Komisionit të Rithemelimit, Belind Këlliçi ka reaguar pasi kryeministri Edi Rama prezantoi “Javët Kulturore Ndërkombëtar”, duke thënë se qeveria po promovon gjithçka përveç Shqipërisë.
Në reagimin e tij, Këlliçi shprehet se promovimi i kulturave të huaja është detyrë e ambasadave dhe e organizatave kulturore të huaja, por nuk është detyrë e qytetarëve shqiptarë të paguajnë për të promovuar nisma të tilla.
“Në momentin që flasim autobusët me turistë nuk kanë vendparkime dhe jemi shumë larg rregullit dhe standardeve të Bashkimit Europian. Shqipëria, ashtu si Greqia, Italia, Kroacia dhe vendet fqinje, duhet të zhvillojë turizmin identitar. Vizitorët e huaj duan të njohin Shqipërinë, kulturën e saj, muzikën dhe gatimet shqiptare. Jemi në sezon turistik por qeveria Rama promovon gjithçka përveç Shqipërisë. Promovimi i kulturave të huaja është pikë së pari detyrë e ambasadave dhe e organizatave kulturore të huaja. Taksapaguesit shqiptarë nuk kanë pse të paguajnë për të promovuar nisma të tilla. Turistët e huaj kërkojnë informacion dhe aktivitete kulturore shqiptare nga të gjitha trevat. Arsyeja e ardhjes së tyre këtu është Shqipëria, ajo çka ofrojmë ne, nga veriu në jug. Po Shqipëria kur do promovohet? Kjo duhet të na shqetësojë”, u shpreh ai.
Deputeti demokrat shprehet se Rama e trajton Shqipërinë si një “kulturë inferiore dhe e le në hije si një skuqje nga turpi”, ndërsa shton se kjo është e papranueshme për çdo shqiptar që ka një fije krenarie për vendin e tij.
Discussion about this post