“Big Brother VIP” mbahet për debatet e përditshme mes banorëve. Një ndër përplasjet që është komentuar këtë javë është edhe ajo mes Monikës dhe Beniadës.
Konflikti ka nisur për shkak të një mimike që Monika ka bërë pasi publiku shpëtoi nga eliminimi Benaidën, duke e çuar këtë të fundit ta cilësojë aktoren si një “grua të ligë”.
‘’Të pash çfarë mimike bërë kur publiku më shpëtoi, unë të flas dhe ti kthen kurrizin. Je grua e ligë’’,-ka thënë Beniada.
Ky epitet i vendosur nga modelja nuk është pritur mirë nga Monika, e cila gjatë spektaklit u shpreh se nuk do ta tolerojë në asnjë moment shkeljen e etikës në komunikim.
‘’Të më thuash mua grua e ligë është shumë e rëndë. Unë etikën e kam shumë të rëndësishme dhe shkeljen e saj nuk do ta lejoj në asnjë moment. Do të dëshiroja që mes banorëve të kemi pak kujdes. Unë e di se Beniada është rritur jashtë shtetit dhe shumë fjalë nuk i kupton’’- tha Monika.
Beniada replikoi duke thënë se edhe ajo ka duruar disa gjeste të Monikës dhe gjithnjë është përpjekur të durojë dhe të mos krijojë konflikte.
Ajo thotë se gjithmonë është përpjekur t’i qëndrojë afër Monikës, por ajo gjithmonë i është kthyer kundër.
‘’Ti çfarë doje të thoje atë mimikë?! Monika ka bërë disa batuta, mimika dhe gjeste për mua dhe asnjëherë nuk kam folur. Nuk kam dashur të krijoj konflikte por këtë herë duhet të replikoja patjetër. Jam përpjekur ta ndihmoj dhe t’i qëndroj afër Monikës por gjithmonë na është kthyer kundër’’ – tha Beniada.
Monika e përmbylli këtë përballje duke shprehur keqardhjen se nënës së saj Beniada nuk do t’i drejtohej kurrë me këtë gjuhë.
Discussion about this post