Ish kryeministri Sali Berisha thotë se Rama po lëshon SPAK ose siç e quan ai “SKAPE” (përdoret kur dikush i vërsul qenin dikujt tjetër) ndaj opozitës por e paralajmëron se nuk e ndalon dot revolucionin.
“Ramë e tmerron opozita e vërtetë. Ne nuk do të pajtohemi në mënyrë absolute nga kjo plaçkitje. Ne nuk bëjmë as presion tek SKAP e as SPAK. Ne u drejtohemi qytetarëve të mbrojnë pronat publike nga një organizatë kriminale nga më të rrezikshmet në Europë dhe botë që ka shpikur ligjin e investitorëve strategjikë për të bërë ministrat e tij investitorë strategjikë bashkë me kryeministrin për ti dhënë atyre privilegje të jashtëzakonshme, dhurata në prona publike.
Për të kryer çdo mundësi për të larë paratë që vjedhin. Paralajmëroj Edi Ramën këto ditë do të jenë të harruara. Dil çdo ditë të mbash fjalim për SKAP apo SPAK por je i pashpresë. Asgjë nuk ndalon revolucionin pa i dalë zot interesit publik shqiptar. Asgjë, sepse nuk do të ishte më opozitë por pseudoopozitë dhe ajo ka marrë fund”, deklaron Berisha.
Discussion about this post