Disa minuta më parë banorët e “5 Majit” shkuan dejtë Bashkisë Tiranë, sepse pas takimit me Ramën Nënë Liza u thirr nga kryebashkiaku për të firmosur kontratën. Por ajo nuk ka pranuar, pasi pretendon se kjo do të ishte një mënyrë nga qeveria për ta joshur dhe që ajo të mbyll gojën. Nën Liza tha se në bashki i kishin thënë “firmos se je në besën time”, por nuk i dhanë asnjë garanci për afatet dhe as për banorët e tjerë, kështu që ajo nuk firmosi.
Një banor tjetër paralajmëroi Ramën dhe kryetarin e Bashkisë Tiranë se pas kësaj përpjekjeje për të manipuluar nënë Lizën protestat do të trefishohen Kontratën banorët e quajtën “paçavure” pasi sipas tyre aty shkruhet: Të dhurohet banesa dhe në një të ardhme të afërt premtohet tu jepet një tjetër.
Liza Marku, e njohur në ditët e fundit në rrjetet sociale si “nënë Liza” është një ndër banoret që ka kundërshtuar me çdo kusht forcat e policisë. Ajo së bashku me banorë të tjerë të “5 majit” kundërshtojnë prishjen e banesave të tyre.
Pjesë nga bisedat:
Banori i njësisë nr.8: A doni me e dit drejt? Asnjë nënë nuk mashtrohet. Firmos se je në besë time i thanë.
Nënë Liza: Është kontrata gati hajde, jam larg I thashë.
Banori: E kemi lexuar, kjo është paçavure. Fal dhe dhuro pasurinë se në një të ardhme ta premtoj. Deshën të mashtrojnë nën Lizën, po kjo është e zgjuar. Tani do trefishohen protestat!
Nënë Liza: Nuk kam kohë i thashë se doja një me vete, se nuk shoh mirë, jam hutuar. “Kur të bëhet”-tha ai.
Discussion about this post