Protesta e 8 janarit në selinë blu, thirrur nga ish-kryeministri Sali Berisha vijon të jetë një ndër temat më të diskutuara në panele studiosh, ku demokratët shfaqen të ndarë në dy fronte, atë që pranon dhunën dhe atë që mohon atë. Deputeti i PD-së Roland Bejko, i cili u sulmua nga mbështetësit e Berishës ka zhvilluar një debat me Belind Këlliçin, ku ky i fundit i ka thënë se është si kokrra e mollës.
“Je si kokrra e mollës”, iu drejtua Këlliçi, deputetit Roland Bejko.
Bejko nuk e priti aspak mirë këtë koment, ndaj i revoltuar u shpreh se ka shenja në trup nga dhuna e mbështetësve të protestës, por megjithatë sërish zgjedh të mos i kallëzoj në polici.
“Do të heq xhaketën këtu? Unë s’jam nga ata që të vete të ankohem në polici, nuk dua të bëj viktimën këtu. Tërë natën atë natë kam vjellë, pas emisionit. Kam marrë një mikun tim dhe thotë se mund të jenë shkaktuar nga gazi dhe shembja. Kam goditje në trup, në ije nga këmbët. Do ta bëj si Lela këtu? Ju mohoni dhunën”, tha ai.
Më datë 8 janar ish-kryedemokrati Sli Berisha, zhvilloi një protestë në ambientet e selisë blu, ku mbështetësit e tij thyen dyert dhe dritaret me synim futjen në ambientet e brendshme të godinës, ku u desh ndërhyrja e policisë për shpërndarjen e tyre. Deputetët demokratë kërkuan reagimin e policisë pasi u shprehën se ndihen të rrezikuar nga veprimet e mbështetësve të Berishës.
Discussion about this post