Një video e Leonardo DiCaprio dhe Lauren Sanchez, e dashura e themeluesit të “Amazon”, është bërë virale, pasi kjo e fundit ka mbajtur për pak kohë krahun e aktorit në Gala Art+Film LACMA në Los Angeles ndërsa Bezos (të dashurit) i qëndron në krah. Kjo gjë nga ndjekësit është përkthyer si një flirtim.
Kjo shkaktoi një përgjigje të hënën nga Jeff Bezo, themeluesi i “Amazon”, i cili postoi një foto të tij në Twitter së bashku me një shenjë rreziku duke e paralajmëruar për yllin e “Titanic”.
“Leo, eja këtu, dua të të tregoj diçka… Leonardo Di Caprio”, ka shkruar miliarderi 57-vjeçar mbi foton, e cila e sheh atë të përkulur mbi tabelën ku shkruhet: “Rrezik! Shkëmb i pjerrët. Rënie fatale”.
Përgjigjja e tij është pëlqyer më shumë se 26 mijë herë, pasi njerëzit kanë qeshur shumë me mënyrën se si i është kthyer aktorit.
Deri tani, DiCaprio nuk i është përgjigjur “kërcënimit” të sipërmarrësit të famshëm.
Bezos dhe Sanchez, 51 vjeçe, kanë qenë publikisht në lidhje që nga fillimi i vitit 2019, me lajmet për lidhjen e tyre menjëherë pasi Bezos, njeriu i dytë më i pasur në botë, njoftoi fundin e martesës me ish-bashkëshorten e tij MacKenzie pas 25 vitesh.
Discussion about this post