Kryetari i Partisë Demokratike Sali Berisha foli sot pas vizitës në Panairin e Librit për protestën e paralajmëruar më 6 dhjetor. Ditë kjo që përkon me Samitin e BE për Ballkanin Perëndimor. Ku në Tiranë do të priten liderë nga Europa dhe rajoni.
I pyetur për akuzat nga maxhoranca se protesta më 6 dhjetor është një akt antieuropian, Berisha tha se është një qëndrim kryekëput pro evropian. Që synon t’u rikujtojë se ata vijnë në një vend që është poshtë Vietnamit. Kjo përsa i përket standardeve të demokracisë.
“Është një qëndrim kryekëput pro evropian. Një qëndrim që synon t’i thotë Europës se krahas narkoshtetit të Edi Ramës, krahas politikave të shpopullimit që shndërruan shqiptarët në kombin e gomoneve, krahas regjimit të monizmit të plotë që ka degdisur Shqipërinë 4 vende ndër Vietnamin komunist në indeksin e zbatimit të ligjit. T’u rikujtojmë ne se ata vijnë në një vend që është poshtë Vietnamit për standardet e demokracisë. Eshtë dhe një popull i tërë i fuqishëm opozitar që do mbushë sheshet, rrugët nga e gjithë Shqipëria. Në mbrojtje të idealeve dhe ëndrrës europiane shqiptare”, tha Berisha.
Discussion about this post