Kryetari i Partisë Demokratike Sali Berisha po zhvillon pasditen e sotme një takim me studentët e Tiranës. Në mbledhje po diskutohet rreth problematikave që ky grupim po has këtë vit akademik. Berisha u shpreh se situata në universitete është buzë gremine, ndërsa akuzoi pasuesin e tij Edi Rama, duke thënë ndër të tjera se protestës së pedagogëve i përgjigjet me arrogancë.
Ndër të tjera, kreu i PD akuzoi ministren e Jashtme Olta Xhaçka se përdor helikopterin për të shkuar për mbledhje partie në Peshkopi, denoncim që forca e tij politike e ka bërë edhe më herët.
“Ministrja e tij shkon bën 15 rrugë nga 15 mijë euro për mbledhje partie në Peshkopi. Ministrja e tij nuk na shkon dot me makinë, por shkon me helikopter. A mund të pranoni ju që një pedagogu juaji të marrë 4 herë më pak se shoferi i fondit shqiptar i zhvillimit, të marrë sa të marrin punonjësit e fasenorisë. Pse do rrinë atëherë këtu, jemi buzë gremine ndaj qëndrimit që qeveria mban ndaj universiteteve. Ndaj ju ftoj të bëni gjithçka për suksesin e kësaj proteste, dhe ju them një këshillë, punoni me çdo të ri e te re që njihni, unë admiroj këtë grevë të tyre sepse është me të vërtetë pluripartiake dhe aty flasin njerëz të përgjegjshëm që duan të shpëtojnë universitete. Cdo ditë i sulmon me mungesë edukate, flet për hiena një njeri me problemi psikike… do merremi ne të gjithë me këtë njeri, se po nuk u morëm, ky nuk ka të ndalur”, tha Berisha.
Discussion about this post