“Jemi cënuar”, Elbasani reagon pas ndeshjes ndaj Partizanit, shkak penalltia

Elbasani pësoi disfatë 0-1 në Kupë ndaj Partizanit, në ndeshjen e parë çerekfinale. Takimi u vendos nga një penallti e Skukës, në fund. Elbasani, nëpërmjet një komunikate, ka reaguar për 11-metërshin e akorduar.

Që nga muaji janar i këtij viti, ndaj ekipit të Elbasanit janë akorduar katër penallti kundër, të cilat në të katër rastet kanë qenë tepër të diskutueshme.

Si klub, ndihemi të cenuar nga vendime të përsëritura, shumë të diskutueshme dhe jo korrekte të arbitrave, të cilat kanë pasur ndikim të drejtpërdrejtë në rezultatet e ndeshjeve tona.

Ne kërkojmë nga Kolegjiumi i Arbitrave dhe nga vetë arbitrat që të jenë në lartësinë e detyrës, të veprojnë me profesionalizëm, paanshmëri dhe integritet të plotë, duke shmangur çdo vendim që mund të perceptohet si i favorshëm apo i njëanshëm.

Respekti për garën dhe drejtësinë sportive duhet të jetë mbi gjithçka.

gijotina.com/