Presidenti i Federatës së Futbollit një një lidhje live në TV Klan u shpreh se kombëtarja jonë do të zhvillojë dy miqësore në Mars, ku deri më tani është konfirmuar ajo me Suedinë, teksa sipas tij janë në bisedime me Kilin për të zhvilluar një miqësore në Itali.
Ai u shpreh se ndeshja në rast se do të konkretizohet do të luhet në Bolognia të Italisë. Sa u përket shortit të Nations League ai u shfaq shumë i kënaqur.
Armand Duka: Grup i barabartë me nivele të barabarta skuadrash. Çekia skuadra më e mirë, nuk do e doja ta kishim përballë sepse kishim dhe një eksperiencë pak muaj më parë. 3 kundërshtarët janë shumë të mirë. Të gjithë skuadrat e grupit B të forta, nuk mund të prisnim një gjë më pak. Ajo që edhe biseduam me stafin këtu në Paris dhe ajo që mendoj është që ne duhet të përqëndrohemi në Evropian.
Është një kompeticion i rëndësishëm, por ne duhet të përqendohemi në Evropian. Pasi të mbarojmë aventurën evropiane, të mendojmë për përballjet sportive. Të gjitha ndjeshjet janë të rëndësishme. Padyshim që renditja i bën dhe më shumë interesante, padyshim që ka impenjimin maksimal dhe me objektivin për të qenë të parët e gruput. Nga ky grup mund të presësh gjithçka.
Ndeshjet e Ligës së Kombeve fillojnë nga 5 deri në 10 Shtator 2024. Shqipëria do të synojë që të ngjitet një ligë më lart, pra në Ligën A.
Discussion about this post